الموضوعات تأتيك من 12179 مصدر

اخبار عاجلة

Tweet

انت تشاهد: منوعات > منوعات

لعبة منتصف الليل التي أرعبت العالم ... بين الواقع والخيال

0 comments
لعبة منتصف الليل  التي أرعبت العالم ... بين الواقع والخيال

عبة اتعرفت و انتشرت خلال فترة صغيرة اسمها " The midnight game " أو " لعبة منتصف الليل " . اللعبة ظهرت ( بشكلها المعروف ) للمرة الأولى على موقع " creepypasta " في عام 2012م ، اتعمل على اساسها فيلم عام 2013 ، و اتحولت لعبة بعدها .

اقرأ أيضا:
متصل يغازل مذيعة على الهواء: «انتى هتبسطي جوزك» والأخيرة ترد.. فيديو

لعبة اتعرفت و انتشرت خلال فترة صغيرة اسمها " The midnight game " أو " لعبة منتصف الليل " .
اللعبة ظهرت ( بشكلها المعروف ) للمرة الأولى على موقع " creepypasta " في عام 2012م ، اتعمل على اساسها فيلم عام 2013 ، و اتحولت لعبة بعدها .
اساس فكرة " لعبة منتصف الليل " انك بتستدعي لمنزلك كيان بيظهر من توقيت " 12:00 " لحد " 3:33 " الفجر . على حسب كريبي باستا الكيان ده شيطان بيطاردك في المنزل لكن بعد ما الفترة المطلوبة تعدي و تخلص منه هيتحققلك 9 حاجات كويسة في نفس الشهر اللي جربت فيه اللعبة .


طيب هل الموضوع ده تهريج ولا له اصل ؟ ، له اصل :D ..
لعبة_منتصف_الليل ظهرت في " المثيولوجيا الإسكندنافية و الإغريقية " لكن مش كتجربة لعبة وحظ ، كانت عقاب .
وعلى حسب الأساطير المذكورة مفيش كيان معين بيظهرلك ، انت عن طريق اللعبة دي بتفتح الباب لأي " كائن_سفلي / شرير / مؤذي .. الخ " انه يحضر عندك ، يتجول في بيتك ، يعرف معلومات عنك ويوسوس ليك بأفظع اللحظات اللي مريت بيها في حياتك ( لو سيبتله الفرصة ) .
معرفش ايه الجانب الإيجابي في الموضوع ، بس زي ما قلت فوق اللعبة كانت " عقاب " فاللي كان بيعملها كان مجبر ..
كل اللي قدرت اجيبه من معلومات بيقول إن اللي بينجوا من التجربة بيتم مكافئته 9 مرات في الشهر اللي جرب فيه ، لو منجحش فيها هيتئذي نفسيًا اكثر من جسديًا بس هيتئذي ..
- تفاصيل_اللعبة كالتالي : :D
1 - لازم تكون لوحدك في المنزل وقت التجربة ، معاك شمعة ، كبريت أو ولاعة ، و ملح ..

2 - قبل منتصف الليل هتاخد ورقة ، هتكتب عليها اسمك بالكامل و هتحط عليها نقطة من دمك ، الورقة هتتحط قدام عتبه بيتك وفوقها شمعة مولعة و تقفل الباب و هتقفل كل انوار البيت .

3 - لازم يكون معاك شمعة في ايدك ( غير اللي على الورقة ) ، من ورا الباب المقفول هتخبط 22 مرة على الباب ، مع دقات منتصف الليل بالظبط !! ،
بعدها هتفتح و تطفي الشمعة اللي فوق الورقة وتقفل الباب تاني .
كدة اللعبة بدئت ، و كدة الباب اتفتح لوجود كيانات تانية معاك في البيت ..



4 - الشمعة اللي في ايدك لازم تكون والعة ، لازم !! .. هتبدأ تتمشى في البيت كله ، متقعدش في مكان واحد اكتر من 10 ثواني ، معاك الشمعة و الولاعة و الملح .

5 - هتبدأ تحس ببرودة غريبة في المكان ، هتسمع اصوات ، ممكن تشوف خيالات ، متحاولش نهاااائي تركز معاها . الموضوع ممكن يوصل انك تشوف جسد شبه بشري في اي ركن من اركان الحجرة ، لو ده حصل اخرج من البيت حتى لو مش هتكمل التجربة .. مترجعش قبل 3:33 الفجر مهما يكن !!

6 - لو الشمعة طفت في اي لحظة ولعها في اقل من 10 ثواني ، لو معرفتش ادلق الملح حواليك و افضل جواه لحد ما تقدر تولعها .. ده ضروري و إلا هتتئذي فعلًا .

7 - التجربة هتنتهي الساعة 3:33 فجرًا .. ساعتها تقدر تولع انوار البيت .

طيب دي الخطوات ، الملحوظات اللي عليها ايه ؟ :D
- التجربة ( لو بتعملها علشان تشوف موضوع_ال9_جوائز اللي هتاخدها دي ) لازم تكون في شهر من الشهور دي ( 3 , 7 , 9 , 12 ) ، و الا يبقى انت بتستحضر بس علشان تكدر نفسك :D .
- رقم " 22 " اللي هو عدد الخبطات ده له علاقة بالسحر ، و بالتالي هتشوف فعلًا خيالات ، وهتحس فعلًا بخنقة وهتفتكر ذكريات سودا من حياتك .. مينفعش_تتراجع في التجربة أو تنام وسطها فلو مش هتستحمل متجربش .
دي التجربة كاملة


انا عرضتها بس من باب " المعلومة " لكن منصحش بتجربتها ، سواء حقيقية أو لأ في حاجات زي الأرقام ، الظلام ، التوقيت الفلكي ، و الدم .. ده بيكون فعلًا جزء من طقوس .
هل انك تاخد 9 مفاجآت كويسة في الشهر ده دافع كافي تجربها ؟؟
ده سؤال ليكم و انتم اللي تحكموا :D
( الصورة من اللعبة مش من الحقيقة علشان الناس متستغربش بس )
فل عليكوا



لعبة منتصف الليل التي أرعبت العالم ... بين الواقع والخيال منوعات



اشترك ليصلك كل جديد عن منوعات

خيارات

لعبة منتصف الليل  التي أرعبت العالم ... بين الواقع والخيال
المصدر http://2ooly.com/ قولي
حذف الاخبار (Request removal)
اذا كنت تملك هذا المحتوي وترغب في حذفه من الموقع اضغط علي الرابط التالي حذف المحتوى
التعليقات علي لعبة منتصف الليل التي أرعبت العالم ... بين الواقع والخيال

اترك تعليقا


قولي © Copyright 2014, All Rights Reserved Developed by: ScriptStars