الموضوعات تأتيك من 15446 مصدر

اخبار عاجلة

Tweet

استغلوا إعاقته وجعلوه مادة للسخرية على السوشيال ميديا| أحمد الديب.. ضحية متعهدي الأفراح

05/10/2017 | 2:27 ص 0 comments
استغلوا إعاقته وجعلوه مادة للسخرية على السوشيال ميديا| أحمد الديب.. ضحية متعهدي الأفراح

في فترة قصيرة، تحول "أحمد الديب" إلى مادة كوميكس وفيديوهات ساخرة على السوشيال ميديا، بعد تجاوز مشاهداتها حاجز المليون، وذلك يرجع للطريقة الغريبة التي يحيي بها الأفراح بمحافظة الدقهلية، كذلك غنائه لأم كلثوم بصوت رديء.

"ريري ريري.. ايأ ايأ.. زكي يا زكي".. كلمات انتشرت على مواقع التواصل الاجتماعي  بعد أن ظهر شاب وهو يغنيها داخل حفل زفاف بطريقة جعلت الكثير ينهال عليه بالسخرية سواء من خلال تقليده في فيديوهات وصلت نسبة مشاهدتها أكثر من مليون شخص أو داخل صور تسخر منه، ففي خلال بضعة أيام أصبح اسم أحمد الديب من مدينة ميت غمر حديث السوشيال ميديا.

في فترة قصيرة، تحول "أحمد الديب" إلى مادة كوميكس وفيديوهات ساخرة على السوشيال ميديا، بعد تجاوز مشاهداتها حاجز المليون، وذلك يرجع للطريقة الغريبة التي يحيي بها الأفراح بمحافظة الدقهلية، كذلك غنائه لأم كلثوم بصوت رديء.

ما بين مئات الفيديوهات الموجودة لأحمد الديب على موقع "يوتيوب" لمختلف الأغنيات لا يوجد أي فيديو وهو يتحدث طبيعيا طبقا لما وصفه محسن قائلا: "اللي خلاني أكتب بوست زي ده لما عرفت أن عنده (3 أطفال أصحاء) ومسيرهم يوم يشوفوا أبوهم في وضع زي ده.. ويعرفوا أن كان فيه ناس بتستغله ويخلوا الدنيا كلها تضحك على إعاقته وهو لا حول له ولا قوة".

"أحمد محسن"، مدون على موقع التواصل الاجتماعي "فيس بوك" كشف بعدًا جديدًا صادمًا لـ "أحمد الديب" لا يحتمل السخرية، وفي تدوينة مطولة على حسابه، قال: "النهاردة عايز اتكلم عن حاجة مختلفة شوية، وممكن يكون موضوع صادم لبعض الناس، اللي في الصورة ده شاب بينضحك على اداءه كتير في أغنية منتشرة اليومين دول اسمها (ريريري .. ايأ ايأ .. زكي يازكي).

 

وتابع: "اتعمل عليه كوميكسات تريقة في أكبر الصفحات، ومقاطع من أكبر مشاهير الفيديوهات، وكمان فيه فيديوهات تقليد عليه عدت المليون مشاهدة، وطبعًا ده كله أدى لهجوم كبير أرضًا وبحرًا وجوًا عالشاب ده من عدد كبير من الناس بدعوى التحشيش والتمثيل وغيره".

 

وواصل: "المهم بعد البحث المستفيض عنه، بياناته كالتالي، اسمه: أحمد الديب، عمره: 32 سنة، حالته الاجتماعية: متزوج وعنده 3 أولاد، محل إقامته: ميت غمر – الدقهلية".

 

وأردف: "طب ايه اللي بيخليه يعمل كده؟، الصدمة إن الشاب ده عنده (تأخر عقلي)، وشغال (عامل) في مستشفى (ميت غمر) تحت قانون الـ 5% لذوي الاحتياجات الخاصة، واللي بيكفل لهم حق (العمل والسكن)، للأسف بيتم استغلال إعاقته من متعهدين الأفراح الشعبية.. وعلموه من فترة يطبل وحفظوه شوية أغاني".

 

وروى: "مأساة الشاب ده دلوقتي إن بسبب إعاقته متعهدين الأفراح دول بيفوتوا عليه في البيت وياخدوه معاهم أفراح هم متفقين عليها بالنصب وبالاستغلال لحالته، ده طبعا عشان يضحكوا عليه الناس.. ويستغلوه بالشكل اللي انتم بتشفوه.. ومش هتلاقوا له فيديو واحد وهو بيتكلم طبيعي من مئات الفيديوهات له ع اليوتيوب".

 

واستطرد: "طبعًا فيه قوانين كتير لتجريم استغلال الشخص المتأخر أو المعاق، لكن الله أعلم محدش بيطبقها في حالة واضحة وضوح الشمس زي دي ليه، وأصحاب الأفراح اللي زي دي بيرضوها إزاي؟".

 

وأكمل: "اللي خلاني اكتب بوست زي ده لما عرفت إن عنده (3 أطفال أصحاء)، ومسيرهم يوم يشوفوا أبوهم في وضع زي ده، ويعرفوا إن كان فيه ناس بتستغله ويخلوا الدنيا كلها تضحك على إعاقته وهو لا حول له ولا قوة، كل اللي بتمناه إن (جهة رعاية نفسية وعقلية) تتبنى حالته، لأن الصراحة وسط المشاهدات المليونية لفيديوهاته وكوميكسات التريقة عليه، بياخد كمية شتايم ودعاوي من الناس يشيب لها الولدان، وهو طبعًا معندوش مقدرة الرد عليهم

 

وأوضح: "فياريت نعمل ثواب ونشارك حالته أو نعمل إشارة لمسئول.. لعل حد يتكفل بيه ويحميه من اللي بيحصله، والناس اللي علقت تحت بتقول كده هنقطع عيشه.. بقولهم لا والله.. إذا اتعالج هينمي موهبته كـ (كوميديان)، وشهرته اللي فاتت هتفتح أبواب رزق أكبر له ولأولاده، وبدون ما حد جشع يستغله بملاليم وهو بياخد من وراه آلاف ".

 

واختتم: "احنا اه بلدنا فيها الاسوأ، لكن مش لازم ننزل للقاع أوي كدة، والغلابة بتوع ربنا كمان ميسلموش من عمايلنا".



استغلوا إعاقته وجعلوه مادة للسخرية على السوشيال ميديا| أحمد الديب.. ضحية متعهدي الأفراح اخبار المحروسة في فترة قصيرة، تحول "أحمد الديب" إلى مادة كوميكس وفيديوهات ساخرة على السوشيال ميديا، بعد تجاوز مشاهداتها حاجز المليون، وذلك يرجع للطريقة الغريبة التي يحيي بها الأفراح بمحافظة الدقهلية، كذلك غنائه لأم كلثوم بصوت رديء.



اشترك ليصلك كل جديد عن اخبار المحروسة

خيارات

استغلوا إعاقته وجعلوه مادة للسخرية على السوشيال ميديا| أحمد الديب.. ضحية متعهدي الأفراح
المصدر قولي

حذف الاخبار (Request removal)
اذا كنت تملك هذا المحتوي وترغب في حذفه من الموقع اضغط علي الرابط التالي حذف المحتوى
التعليقات علي استغلوا إعاقته وجعلوه مادة للسخرية على السوشيال ميديا| أحمد الديب.. ضحية متعهدي الأفراح

اترك تعليقا


قولي © Copyright 2014, All Rights Reserved Developed by: ScriptStars