شاهد.. أول رد لزينة بعد خسارة أحمد عز آخر قضية بشأن نسب طفليهما

بعد أن صدمت محكمة الأسرة الفنان أحمد عز برفضها الطعن المقدم منه على الحكم الصادر من محكمة أسرة مدينة نصر، برفض بطلان حكم ثبوت نسب الطفلين “عز الدين” و”زين الدين” توأم الفنانة زينة له.

علقت الفنانة زينة على قرار المحكمة ونشرت صورة جديدة للفنان أحمد عز، وقالت: “الحمد لله النهاردة كانت آخر قضية رافعها علينا الشيطان، والحمد لله مايقدرش الشيطان يرفع أي قضية تاني، الموضوع اتقفل نهائيا ورفع علينا كل القضايا اللي ممكن تترفع، والحمد والشكر لله ربنا كرمنا وخسر كل القضايا”.

وتابعت زينة، في منشور عبر حسابها الشخصي على “إنستجرام”: “الشيطان ده قبل ما يخسر كل القضايا خسر نفسه اللي مش موجودة أصلا، وضميره المعدوم وحتى شكله اللي بقي أستغفر الله العظيم”.

وأضافت: “نصيحة ليكم إياكم والظلم إياكم والقسم بالكذب، كلمة أقسم بالله بالكذب بتهز السموات، بص يا شيطان كل القضايا اللي ينفع ترفعها خسرتها، كبيرك تتكلم في سمعت أم ولادك وإنت عارف بتقول كده، بس يا ريت تثبت كدبة علشان بتنسى كدبك وكل يوم بقصة”.

ووجهت  “زينة” الشكر قائلة: “شكرًا الأستاذ الكبير المحترم معتز الذكر، المحامي اللي تعب معايا، خلاص ارتاح من قلقي والصداع اللي عملتهوله، ومبروك يا أستاذ معتز على قدوم القمر زينة الصغيرة، وربنا يكرمك ويخلي زينة وعبدالله، كملت مسيرة الأستاذ الكبير محمد الدكر الله يرحمه يارب، شكرًا الأستاذ عاصم قنديل المحامي الكبير اللي بعتبره واحد من أهلي، أنا تعبتك أوي يا أستاذ ربنا يخلي حضرتك.”

واعتذرت لجمهورها قائلة:” وأرجوكوا سامحوني على الصورة دي واعرفوا إنها مخوفاني أنا كمان والله للأمانة ما كان هو ده شكله، بس الظلم والقسم كدب بينزل غضب ربنا على أغلى حاجة عند الإنسان، وده أغلى حاجة عنده.. وشه، بعتذر على بشاعة المنظر، دي أحدث صورة للشيطان لقيتها في وشي معلش، وهاشيلها كمان شوية”.