: شهادة فتاة تعرضت للتحرش داخل المترو
27/10/2014 | 6:54 م 0 comments
قامت مبادرة 'أنا مش هسكت على التحرش' منذ قليل، بنشر شهادة فتاة تعرضت للتحرش الجنسى داخل محطة مترو الأنفاق وقامت بتقديمه للأمن. نص الشهادة: السلام عليكم أنا حصلت معايا واقعة تحرش يوم الاثنين 20/10. ...
قامت مبادرة "أنا مش هسكت على التحرش" منذ قليل، بنشر شهادة فتاة تعرضت للتحرش الجنسى داخل محطة مترو الأنفاق وقامت بتقديمه للأمن.
نص الشهادة:
السلام عليكم أنا حصلت معايا واقعة تحرش يوم الاثنين 20/10. كنت في المترو وواحد حيوان مد ايده عليا، أنا الأول جاتلي حالة ذهول وفضلت أقوله بعلو صوتى أنت سافل وقليل الأدب ووالله ما هاسيبك معظم إللى نحوه كانوا شباب حاولوا يهدوني ويقول لي اهدي وأنا أقول والله ما هاسيبه والمذهل أن راجل كبير في الخمسينات تقمص دور المطيباتي وكان عايزني اسيبه قلتله لو بنتك هاتسيبه الراجل كان بيبصلي بنظرة كأني مفترية أو مذنبة قلتله اعتقد أن لبسي واسع بما فيه الكفاية وإني لا مطلعة من حجابي قصة ولا شكلى غريب علشان أي حد مريض يقول لبسكوا السبب، قلت للكل اللي واقفين لو فيكوا راجل يوديهولي للأمن أو يروح يجيب الأمن وما تسيبهوش يمشي، وفعلا لسه في شباب محترمة ووقفوا جنبي وجابولي الأمن واحنا طالعين لمكتب الأمن المتحرش فضل يستعطفني ويتأسف ويقولي حرام عليكى هاتقطعي عيشي أنا من الصعيد قلتله أنت لازم تتفضح وأي واحد حيوان واقف دلوقتي بيفكر يعمل زيك يكون عبرة طلعت عند مدير أمن المترو وبصراحة كان محترم وقالي اوعى تتنازلي ورحت عملت محضر والظابط وأمين الشرطة بعد ما خلصوا المحضر فضلوا ياكدوا عليا اوعى تتنازلي أنت اللي هاتضيعي حقك بنفسك، وروحت النيابة وكيل النيابة الأول كان مريضا من المرضى وكان رده عليا أنت مكبرة الموضوع كده ليه، قلتله والله لو انت مش شايفه كبير هو بالنسبة لى كبير، راح سألني وباباكي بقى قالك اعملي محضر قلتله اه وقالي اوعى تتنازلي وبعد شويه دخلتله تاني لأن المتهم كان وصل قالي برضه مش هاتتنازلي قلتله لأ، والحمد لله أهلي كلهم كانوا واقفين جنبى وفاخورين برد فعلي، والحمد لله أن دخلت لوكيل نيابة تاني ده اللي حقق معايا رسمى فعلا كان إنسان في قمة الاحترام والأخلاق وكان متعاطفا معايا جدا هو وزمايله وكانوا بيطمنوني وقالولي إنشاء الله هاياخد جزاءه والمتحرش خد أربع أيام على ذمة التحقيق، وإنشاء الله عندى أمل في ربنا أنه يأخذ حكم بثلاث سنين حبس.
الهدف من رسالتي أولا أن كل حيوان بيفكر يأذى بنت في الشارع سواء بالكلام أو الفعل لازم يعرف أننا خلاص مش هانسكت تاني ولا هانخاف ومش هانسيب حقنا، ما ينفعش احنا اللي نتحبس في بيوتنا ومننزلش وما نتأخرش وأنت تعيشوا حياتكم يعني انتم المجرمين واحنا اللي بنتعاقب وبقول لكل بنت أوعى تسيبي حقك.
زيارة الموضوع الاصلي: شهادة فتاة تعرضت للتحرش داخل المترو
موقع قولي غير مسئول عن المحتوي المعروض، فهو مقدم من موقع اخر (سياسة الخصوصية)
القبض على مسن تحـــ.رش بفتاة في ميني باص بالوايلي
ألقت الأجهزة الأمنية بمديرية أمن القاهرة القبض على مسن لقيامه بالتحرش بفتاة داخل ميني باص في الوايلي بالقاهرة.
موظف في الهجرة يواجه اتهامات تحرش بزميلات وطالبات لجوء
الكومبس – أخبار السويد: يواجه موظف في مصلحة الهجرة اتهامات بالتحرش الجنسي المتكرر بزميلاته في العمل، وكذلك بطالبات لجوء. وحسب راديو P4 Kronoberg، فإن
القبض على المتهم بالتحرش بطالبة داخل ميكروباص
ألقت الأجهزة الأمنية بمديرية أمن القاهرة القبض على المتهم بالتحرش بطالبة داخل ميكروباص..............
(خاص) بعد لام شمسية .. مختصون: هكذا تحمي طفلك من التحرش فوشيا
تواصل "فوشيا" مع الأخصائية النفسية لانا قصقص، التي استعرضت أعراض قد تظهر على طفل تعرّض للتحرش، وكيفية تعزيز قدراته على مواجهة هذا الأمر.
ترامب والحوثي يتحرشان بقناة السويس...ما القصة؟
تمر قناة السويس، أهم مجرى مائي في العالم، هذه الأيام، بفترة عصيبة جداً وتحرشات من الرئيس الأميركي دونالد ترامب وجماعة الحوثي اليمنية.
لام شمسية .. كيف أتعامل مع طفلي في حالة تعرضه للتحرش؟ - تليجراف مصر
يستعرض مسلسل "لام شمسية"، الذي يعرض في النصف الثاني من شهر رمضان 2025، قضية حساسة ومؤلمة، هي التحرش الجنسي بالأطفال...
الحلقة 5 من مسلسل لام شمسية.. كاميرا تكشف لغز التحرش -
نقدم لكم أحداث الحلقة 5 من مسلسل لام شمسية ووضع رباب كاميرا في غرفة ابنتها زينة بسبب خوفها عليها من تحرش والدها - الوطن
: شهادة فتاة تعرضت للتحرش داخل المترو تحرش قامت مبادرة 'أنا مش هسكت على التحرش' منذ قليل، بنشر شهادة فتاة تعرضت للتحرش الجنسى داخل محطة مترو الأنفاق وقامت بتقديمه للأمن. نص الشهادة: السلام عليكم أنا حصلت معايا واقعة تحرش يوم الاثنين 20/10. ...
التعليقات علي : شهادة فتاة تعرضت للتحرش داخل المترو