: بالصور.. أطرف مواقف الأبناء مع أمهاتهم.. طارق: «عمرو دياب بيعاكسها».. ثريا:« قتلت الأرنب كالاماتا».. داليا: «بتبعت رسايل فاضية لكل اللي عندها» .. ونهال: «كلمت خدمة العملاء تسأل عن ابنها»
24/03/2015 | 11:39 م 0 comments
أصبحت وتيرة الحياة تزداد سرعة وتقدم في كل لحظة نعيشها، حتى أصبح أطفال اليوم يفقهون أكثر من أمهاتهم في مجالات عديدة خاصة التي تتعلق بالتكنولوجيا، مما يوقع الأمهات في مواقف طريفة عندما تتصادم عقولهم مع ...
أصبحت وتيرة الحياة تزداد سرعة وتقدم في كل لحظة نعيشها، حتى أصبح أطفال اليوم يفقهون أكثر من أمهاتهم في مجالات عديدة خاصة التي تتعلق بالتكنولوجيا، مما يوقع الأمهات في مواقف طريفة عندما تتصادم عقولهم مع عقول أبنائهم.تداول نشطاء مواقع التواصل الاجتماعى أطرف مواقفهم مع أمهاتهم.
"التليفون الضائع"
وذكرت سلمى موقف لوالدة صديقتها: "صحبتى تليفونها ضاع فواحد لقاه اتصل على مامتها لأنها مسجلاها ماما، وقالها التليفون معايا قوليلها تتصل عشان أديهولها قامت اتصلت على نفس الرقم قالت يا غادة تليفونك واحد لقاه روحى خديه وقفلت".
"عمرو دياب بيعاكسنى"
وعلق طارق، قائلًا: " في يوم غريب كده لقيت ماما جايبالى الموبايل بتاعها، وبتقولى شوف الرسالة دى عمرو دياب عمال يبعتلى في رسايل حب بلاش مسخرة وقلة أدب، حاولت أقنعها إن دى رسايل خدمة ودعاية للشريط الجديد أبدا مش راضية تصدق لدرجة إنها خايفة أبويا يمسك الموبايل يشوف الرسايل عليه، المهم طلع في الآخر إن أختى الصغيرة هي اللى أقنعتها بالكلام ده".
"سرقة الرصيد"
وكتبت داليا: " فكرتنى بماما كل يوم الصبح تقعد تزعق وتقول مين اللى أخد رصيدى كل يوم تفضل تشككنا في بعض لحد ما جيت في يوم قلتلها ورينى يا ماما التليفون كده بفتح الرسايل بالصدفة ألاقيها باعتة لأمة لا اله إلا الله رسايل ورسايل فاضية بالهبل، قولتلها إنتى بتبعتى برصيدك رسايل فاضية كل يوم وتظلمينا، قالتلى فين ده ورينى كده بوريها لقيتها بتقولى لا دى كلمنى شكرا اللى ببلاش بدوس الرقم، إرسال رسالة وأوك وبتروحلهم الرسالة قولتلها يالهوى هتشل دى رسالة بفلوس يا ماما، تقولى إنتى بتكدبى عليا عشان تضحكى عليا وتاخدى الرصيد ولحد دلوقتى هي مش مقتنعة إن دى مش كلمنى شكرا وما زال الإرسال مستمرا".
"كلم ماما"
وروت نهال موقفا طريفا، قائلة: " بمناسبة خدمة العملاء مرة ست اتصلت بيا وقالتلى أنا مش عارفة أوصل لابنى من إمبارح ممكن تتصلى بيه وتقوليله رد على ماما، قولتلها حاضر يافندم هنكلمه هو رقمه كام، ادتهونى وقعدت طول الشيفت أكلم في الواد لحد ما رد وقولتله أستاذ محمود رد على مامتك لو سمحت، إحنا بنتمرمط حضرتك".
"قتلت كالاماتا"
وأضافت ثريا: "أخويا الصغير إمبارح جاب هدية عيد الأم لماما أرنب وربط في رقبته فيونكة، هي بتحبه بس إحنا مالناش في أكل الأرانب المهم هو شايله وخايف منه وحطه في كارتونة وطابق على نفسه، قامت ماما مصوتة في وشه يا خرابى هتخنقه هات أما أدبحه والولا ياعينى كان هيعيط ويقول سييه شوية يا ماما، قالت هو أنا هلعب معاه هات يا ولا وهو عمال يعيط ويقول يا حبيبى يا كالاماتا كان سماه خلاص وناوى يعيشوا معانا، قتلت البراءة في عينيه".
زيارة الموضوع الاصلي: بالصور.. أطرف مواقف الأبناء مع أمهاتهم.. طارق: «عمرو دياب بيعاكسها».. ثريا:« قتلت الأرنب كالاماتا».. داليا: «بتبعت رسايل فاضية لكل اللي عندها» .. ونهال: «كلمت خدمة العملاء تسأل عن ابنها»
موقع قولي غير مسئول عن المحتوي المعروض، فهو مقدم من موقع اخر (سياسة الخصوصية)
عمرو دياب وهاني شاكر وأصالة يتصدرون قائمة نجوم حفلات العيد - CNN Arabic
يتصدر النجمان المصريان عمرو دياب وهاني شاكر والمطربة السورية أصالة قائمة نجوم حفلات موسم عيد الفطر 2025، والتي ستقام في الإمارات والبحرين، والسعودية، ومصر، ولبنان.
خالد سرحان مدافعا عن عمرو دياب بعد واقعة صفعه شاب: حرام نقعد نهدم في رموزنا - بوابة الشروق
علق الفنان خالد سرحان، على الانتقادات التي طالت الفنان عمرو دياب بسبب أزمته مع الشاب الذي صفعه، قائلا «عمرو دياب رمز من رموز الغناء في مصر.
رمضان 2025: عمرو دياب يتصدر بأغنية عمرها 23 سنة... ما القصة مصراوى
رمضان 2025 عمرو دياب يتصدر بأغنية عمرها 23 سنة ما القصة | مصراوى
لأول مرة.. عمرو دياب يكشف مسلسله المفضل في رمضان
نادراً ما يعلن النجم المصري عمرو دياب عن إعجابه بأعمال فنية أو درامية، لكنه في هذا الموسم الرمضاني كشف عن إعجابه بمسلسل "أشغال شقة جدًا" بعد انتهائه من
حفل عمرو دياب في العلا عمرو دياب الحفلات الموسيقية استكشف العلا
احجز تذكرتك الآن لحضور حفل النجم عمرو دياب في الهواء الطلق، بتاريخ 27 سبتمبر، ضمن فعاليات مهرجان سماء العلا 2024.
بعد ظهورها مع عمرو دياب .. إطلالات أثارت الجدل لـ بسمة بوسيل
تصدرت الفنانة بسمة بوسيل مؤشرات البحث جوجل بعد صورتها مع الفنان عمرو دياب في الساحل الشمالي، وتداول رواد السوشيال ميديا الصورة على نطاق واسع.
بينهم أحمد حلمي وعمرو دياب.. تعرف على نتائج النجوم بالثانوية العامة
تشكل الثانوية العامة عاملاً من عوامل القلق للأسر المصرية والعربية، فقد عاشت الأسر التي لديها أبناء بالثانوية العامة بالأمس ليلة من أصعب الليالي نظراً لظهور
: بالصور.. أطرف مواقف الأبناء مع أمهاتهم.. طارق: «عمرو دياب بيعاكسها».. ثريا:« قتلت الأرنب كالاماتا».. داليا: «بتبعت رسايل فاضية لكل اللي عندها» .. ونهال: «كلمت خدمة العملاء تسأل عن ابنها» عمرو دياب أصبحت وتيرة الحياة تزداد سرعة وتقدم في كل لحظة نعيشها، حتى أصبح أطفال اليوم يفقهون أكثر من أمهاتهم في مجالات عديدة خاصة التي تتعلق بالتكنولوجيا، مما يوقع الأمهات في مواقف طريفة عندما تتصادم عقولهم مع ...
التعليقات علي : بالصور.. أطرف مواقف الأبناء مع أمهاتهم.. طارق: «عمرو دياب بيعاكسها».. ثريا:« قتلت الأرنب كالاماتا».. داليا: «بتبعت رسايل فاضية لكل اللي عندها» .. ونهال: «كلمت خدمة العملاء تسأل عن ابنها»